Dúddilíus

2008-12-16T15:38:00.000+01:00

Sorrý...
hér er slóðin: Emilía Október 2008

2008-12-16T15:22:00.002+01:00

MYNDIR MYNDIR MYNDIR MYNDIR...

Hér koma myndir frá því í október 2008. Ég var nú búinn að setja inn myndir frá því í mars en þá þarf bara að fara að brúa vilið milli mars og október. Bæti úr því. Síðan koma nóvembermyndirnar inn, er loks búinn að tæma úr myndavélinni inn á tölvuna og því varla margt til fyrirstöðu að setja þetta inn á veraldarvefinn.

Annars er það að frétta af Emilíu að hún er farin að mynda tveggja orða setningar, kallar mig loks pabba en ekki Guðjón, og er farin að horfa á fleiri teiknimyndir en bara Simpsons :o)

Jæja, en hér er slóð á síðuna með myndunum:

Emilía Október 2008

2008-07-15T11:43:00.004+02:00

Hvar eru myndir...

spyrja MJÖG margir þessa dagana. Það er ekki að undra enda hefur hér ekki verið líf í marga mánuði og nýjustu myndir eru frá því í febrúar. Ég sé reyndar ekki að miklar líkur verði á gnægð mynda hér á næstunni, því miður. Ástæðan, jú, myndavélin okkar er í Danmörku. Hún "gleymdist" þar eða þannig. Við hyggjumst reyndar fá myndir frá ömmum og öfum til að setja hér inn innan skamms, þar sem eftirspurn er mikil en henni höfum við augljóslega ekki annað.

2008-02-12T14:41:00.000+01:00

Fleiri myndir...

Nú er ég búinn að setja myndir af Emilíu frá því í janúar. Síðan við skrifuðum eitthvað á síðuna hefur Emilía orðið fullorðnari og fullorðnari. Þann 6. febrúar sl. varð litla rúsínan einmitt eins árs og var það stór dagur hjá henni. Síðan hefur hún verið að taka sín fyrstu spor þessa dagana og herma staðfestar fregnir um að hún hafi tekið mest 10 skref einn daginn. Við foreldrarnir erum náttúrulega voða montnir af snúllunni okkar út af þessu.

Hér koma svo myndirnar nýju:

Emilía Janúar 2008

2008-02-11T13:23:00.000+01:00

Myndir frá því í desember...

Já, ég veit að þetta gengur hægt, en þetta kemur allt saman.

Emiía Desember 2007

2007-11-18T14:48:00.000+01:00

Myndir frá Englandi...

Jæja, þá er ég búinn að setja inn helling af myndum af Emilíu frá Englandi.

Emilía England Nóv 2007

2007-11-18T13:32:00.000+01:00

Hæ hæ allir, alveg kominn tími á fréttir frá fjölskyldunni á Sólbakkanum.
Við fórum til Manchester um mánaðamótin og vorum alveg í skýjunum eftir þá ferð, ekkert smá gaman að hitta Ágústu og Andý og einnig Ólöfu, ekki oft sem við erum saman systurnar. Við áttum góðar stundir hjá þeim í fína húsinu þeirra, þar er ekki hægt að óska sér betri gestgjafa, þau redduðu öllu fyrir Emilíu, bílstól, rúmi og hástól, btw þau fengu bílstólinn á eitt pund á ebay, algjör snilld.
Emilía fékk að hitta vini sína Tom og Ben sem eru tveggja mánaða, þeir eru systursynirAndy, algjörar snúllur. Það er nú ekkert lítið fyrirtæki að vera með tvö börn, tvennt af öllu, hresst.

Emilía er alltaf að þroskast meira og meira og það er svo yndislegt að fylgjast með henni, hún lærði að veifa hjá Ágústu frænku, voða dugleg, veifið er mjög fullorðinslegt, ekki svona kreppa-hnefann veif eins og sum börn gera en ekki heldur drottningaveif, einhversstaðar þarna á milli
Svo kann hún að klappa(mánuður síðan hún lærði það, frekar sein með fréttir), hún klappar stundum þegar maður veifar henni og öfugt(allt að koma) og svo um daginn þá var hún eitthvað að kvarta en var samt líka að klappa eins og hún yrði að halda uppi fjörinu þrátt fyrir þreytu, æi frekar fyndin þessi elska.

Nú er hún byrjuð að standa upp og labba aðeins meðfram, fjörið er s.s byrjað. Ég vaknaði eina nóttina við hana standandi í rúminu sínu grátandi, mér brá frekar og við voru ekki lengi að lækka botninn í rúminu.

Við skötuhjúin fórum á Bubba tónleika í gær í tilefni að Jónasardeginum, það var mjög fínt, Bubbi er alveg ágætur, hann sagði skemmtilegar sögur á milli á dönsku en mamma hann er dönsk og talar hann fína dönsku. æi hann er samt svo spes, virkaði eins og hann nennti ekkert að vera þarna, spurði fólkið hvað klukkan væri og var ekkert hrifinn af því að fólk væri að taka myndir af sér, bara svona týbískur Bubbi.

En það er annars bara allt gott að frétta af okkur, við komum heim til Íslands 21. des og verðum til 4. janúar, ekkert voða langt frí en ég er að fara í próf í byrjun janúar.

Hér eru nokkrar myndir, úr ferðinni,kann ekki alveg á myndasíðuna þannig að Guðjón bætir myndum inn á hana við tækifæri.

2007-10-24T10:38:00.000+02:00

Veikur mánuður...

Jæja, ekki er hægt að segja að októbermánuður hafi verið með þeim betri. Emilía byrjaði á vöggustofunni í byrjun mánaðarins og ekki leið á löngu þar til hún tók pestina sem var að ganga og sömuleiðis við foreldrarnir. Nú er Kristín með hita en við Emilía stigin á fætur svo að þessu fer vonandi að linna. Haustfríið fór allt út um þúfur þar sem hele familien var rúmliggjandi. Vonandi verður mannskapurinn þó allur til í tuskið þegar við leggjum í hann til Manchesterborgar í lok mánaðarins.

En nú er ég búinn að setja inn myndir frá því í september og nú í október, þess verður þó að geta að myndirnar frá í október eru teknar fyrir krankleikann hehe.

Emilía September 2007
Emilía Október 2007

2007-10-07T21:24:00.000+02:00

Nú er Emilía búin að vera á vöggustofunni í viku, og stóð sig rosalega vel. Fyrstu þrjá dagana vorum við bara stutt, bara klukkutíma í senn. Á fimmtudeginum þá fór ég í fyrsta sinn aðeins í burtu, í ca klst. og þegar ég kom til baka þá var hún úti og var voða afslöppuð.....þangað til að hún sá mig, þá varð hún vooða lítil í sér og byrjaði að gráta. Svo á föstudaginn fór ég heim og hún lék sér, borðaði smá og lagði sig í næstum einn og hálfan tíma, ekkert smá stórt skref, var reyndar frekar sár þegar ég kom tilbaka eins og hún hafi allt í einu fattað að ég færi farin þegar ég kom til baka, en þetta er víst bara eðlilegt svona fyrst. Mér fannst frekar skrýtið að labba heim og skilja hana eftir hjá ókunnugu fólki, en þetta venst bara og vonandi á henni eftir að líða vel þarna.
Leikskólakonurnar sögðu að hún myndi eflaust ná sér í kvef fljótlega eftir að hún byrjaði og viti menn sú litla er komin með hornös og kvef í augun, æi ég vorkenni henni svo, á erfitt með að drekka af brjóstinu og vaknaði oft í nótt því hún var alltaf að missa snuðið. Þetta er eiginlega í fyrsta sinn sem hún er eitthvað veik. Það er gott að hjúkrunarkonan er að koma á morgun og þá getum við fengið einhver ráð.
Þannig að þar er spennandi vika framundan...þangað til næst
heyrumst
Kristín

2007-10-01T11:54:00.000+02:00

jæja mikið var að ég lét heyra í mér, vonandi hafa ekki allir gefist upp á þessari síðu. Ætlum að reyna að vera duglegri að skrifa.
Ég mátti til með að setja inn nokkrar línur núna því það var stór dagur hjá Emilíu Ólöfu í dag hún fór í fyrsta sinn á vöggustofuna í morgun, þvílíkt tímamót hjá henni og okkur. Við vorum bara stutt, um klukkutíma. Emilía hitti hin börnin en hún er yngst á sinni deild, sem heitir lirfudeildin, Emilía er með sér skáp merktum sér og með mynd af lirfu, voða sætt. Hún var ekkert skelkuð yfir þessu öllu saman, fór bara strax að leika og fannst þetta bara gaman svo kemur það í ljós hvernig gengur með matartímann og svefntímann. Við mætum á sama tíma í fyrramálið og verðum þá kannski aðeins lengur, svona mjakast þetta smá saman. Þetta verður s.s. spennandi vika hjá henni Emilíu.
Ég er að reyna að venja hana af brjóstinu en það er víst ennþá í uppáhaldi, þó henni finnst grauturinn alveg góður líka, hef verið að gefa henni brauðbita og eitthvað smálegt til að tína upp í sig en mest af því endar á gólfinu. Hún virðist samt vera viljugri til að borða þegar pabbi hennar gefur henni , eflaust vegna þess að brjóstin mín freista hennar ekki þar.

Annar gengur lífið bara sinn vanagang hérna á sólbakken, haustið alveg greinilega gengið í garð og varla þverfóta fyrir föllnum laufblöðum á göngustígunum, hef það á tilfinningunni eins og þessi önn eigi eftir að vera fljót að líða

Emilíu finnst ekkert skemmtilegra en að vesenast í snúrunum, allt sem er ekki dót er mest spennandi.

Alltaf brosmild og hress.

á fullu að leika

keyptum ódýr leikföng frá fólki sem er að flytja héðan, Emilíu til mikillar gleði.

Jæja heyrumst
Kristín

2007-09-24T23:35:00.001+02:00

Það kom að því...

Hef loksins komið mér í að skrifa smá hér. Annars var síðast komið sögu í Gerðunum, Fellunum, vesturbænum og í Hafnarfirði. En nú er fjölskyldan komin til Kaupmannahafnar á nýjan leik og er næstum kominn mánuður síðan. Við foreldrarnir byrjuðum á því að ganga frá málunum varðandi vöggustofu fyrir Emilíu og fær hún pláss í stofu sem er alls ekki svo langt frá okkur. Hefðum að sjálfsögðu viljað fá pláss á vöggustofunni hér í húsinu en það er ekki á allt kosið í þessum efnum og unum við þessari tilhögun því bara vel.

Annars ætlar Emilía að fara til Englands í lok október með okkur foreldrunum þar sem hún er að fara í afmæli til Andys. Þar ætlar hún líka að hitta Ágústu og Ólöfu uppáhaldsfrænkur sínar og litlu tvíburapjakkana Emmu og Christians.

En þá er það bara rúsínan í pylsuendanum, myndir frá sumrinu sem leið á Íslandi. Hef tekið í notkun google myndakerfið og kem því mun meira magni af myndum inn svo hægt er að njóta margfalt á við það sem áður var. Svo, njótið vel:

Emilía Sumar 2007

2007-07-13T17:10:00.001+02:00

Emilía á flandri...

Undanfarna daga hefur Emilía búið á fjórum stöðum víðs vegar um borgina. Hún á svo eftir að búa á a.m.k. tveimur stöðum til viðbótar í sumar. Svo var merkisdagur í hennar lífi um daginn þegar hún fékk sinn fyrsta graut.

Allt flutningavesenið okkar hefur reynt svolítið á svefnvenjur hennar og einnig foreldrana en nú er svo komið að ég er byrjaður á svæfingarprógrammi sem á við vísindaleg rök að styðjast, skv. Behavioural fræðum sálfræðinnar.

Á mánudaginn var byrjaði prógrammið og þó það sé ekki komin mikil reynsla á það, þá er meðalsvæfingartíminn sem og staðalfrávik byrjað að lækka hægt og bítandi sem gefur okkur vísbendingu um að þetta er að virka þokkalega. Tíminn mun þó leiða í ljós hvort prógrammið og pabbinn haldi þetta út, en þetta þarf að ástunda á hverju kvöldi og getur tekið fleiri daga að virka. Markmiðið með prógramminu er að barnið geti svæft sig sjálft.

Meðalsvæfingartíminn er sem stendur: 46 mín.
og staðalfrávikið: 17 mín.

Jæja, hér koma nokkrar myndir sem eru teknar í heimsókn til Láru um daginn.

Emilíu finnst gaman í félagsskap

Sjáið bara, það er skemmtilegt með mömmu, Ýri, Agli og Siggu

Hérna er Emilía og Egill að æfa dans held ég bara

Voða fínt þetta parket hjá Láru

Já, alveg gegnheilt tíhíííí...

2007-06-26T16:54:00.000+02:00

Hæ allir

ég ætla að sleppa því að afsaka bloggleysið og byrja bara.....við erum þá búin að vera á Íslandi síðan 6. júní, s.s ekkert búin að láta mikið fyrir okkur fara, bara svona temmilega mikið.

Ég og Emilía Ólöf erum búnar að vera bæði á Eyrarbakka og í bænum, við verðum í Breiðholtinu til 5.júlí og svo í vesturbænum frá 7. - 1. ágúst og svo í Hafnafirðinum í ágúst, ss. á víð og dreif um bæinn.

Emilía er voða hress, aðeins búin að vera stríða mömmu sinni og pabba með svefninn en vonandi allt á góðri leið. Ég er að fara með hana til hjúkkunnar í vikunni í almennt tjekk, finn alveg að hún er búin að þyngjast fullt, farin að síga vel í.

Emilía fór í sína fyrstu sundferð í gær og stóð sig eins og hetja, Magga og Freyja komu með og pabbi tók myndir, hún var algjör rúsína í bleika blómasundbolnum sínum og buslaði og lék sér í vatninu.

Emilía er búin að vera voða heppin og hefur fengið fína kjóla og föt frá ömmum sínum og öfum, alltaf í nýjum fötum, ótrúlega sumarleg.

2007-05-26T14:30:00.000+02:00

Dönsk skal hún verða...

Nú er Kristín komin í gírinn hvað varðar lærdóminn og ég er orðinn full-time dad. Það er bara ekkert öðruvísi. Við Emilía Ólöf vöknum ævinlega saman kl. 7 -8 á morgnana og förum að leika okkur, síðan fer Emilía út á svalir og sefur til rúmlega 1. Eftir það hefst yfirleitt leikfimi hjá Emilíu þar sem hún æfir sig t.a.m. í hálsinum og höndum og fótum. Einnig er svo komið að hún hefur reynt að velta sér á leikteppinu sínu og virðist ekki langt í að það muni takast. Síðan fer Emilía í oftar en ekki langar göngur með mér.

Á einni af okkar göngum var farið til kirkjunnar í Valby, sem heitir eftir Jóhannesi skírara og var nafn Emilíu opinberlega skráð í danskar bækur. Hér með tel ég að hún verði meðhöndluð sem danskur þegn og ekki bara það heldur sem meðlimur í den Danske Folkekirke.

Það urðu undur og stórmerki í gærkvöldi, þegar Emilía náði þeim merka áfanga að geta sofnað óstudd. Við foreldrarnir höfðum verslað okkur bók sem fjallar um leiðir til að svæfa þessi litlu kríli án mikils gráturs og gnístan tanna. Hér er um að ræða 6 skrefa kerfi til þess arna og teljum við okkur vera á 1. til 2. skrefi. Þetta virðist því vera að bera einhvern árangur.

En myndir koma hér:

Bolla í blúndufötum

Mamma sæta og Emilía sæta

Hann pabbi og Emilía

Hálf misheppnuð fjölskyldumynd en betri helmingurinn sést þó vel ;o)

Emilía er góð fyrirsæta

Alltaf kampakát

...og mjög stutt í grínið

Hissa

Pabbi minn er lang lang sterkastur

2007-05-04T20:59:00.000+02:00

Vá það er alveg kominn tími á myndir og smá fréttir af okkur. Það er nú meiri veðurblíðan hér í henni Kaupmannahöfn, sól og hiti en þó svo að það sé yndislegt þá er Emilía mikli óduglegri að sofa í svona hita, alveg sama hvernig ég klæði hana, þá vaknar hún eftir hálftíma og það skiptir litlu hvort það er í vagninum út á svölum eða í labbitúrnum.

Emilía hefur verið með einhverja stæla á brjósti undanfarið og stundum bara hreinlega þverneitað að drekka, og þegar hún drekkur þá drekkur hún frekar stutt, ég er því að reyna að setja hana oftar á brjóstið svo að hún fái nú nóg þessi elska. Þetta gerist stundum þegar börn nálgast 3ja mánaða aldurinn að þau neiti brjóstinu, hún Emilía er greinilega mjög dæmigert barn. Þetta heitir víst brjóstaverkfall eða nursing strike, allt er nú til, þá vilja börnin ekki brjóstið, en sem betur fer er þetta eitthvað tímbundið og vona ég að þetta fari nú að líða hjá.
Annars er Emilía Ólöf yndisleg og virðist dafna vel allaveganna fáum við staðfestingu á því á mánudaginn þegar hjúkrunarkonan kemur í heimsókn þá verður hún 3já mánaða gömull...vá hvað tíminn líður hratt
Svo fer hún í sprautur hjá lækninum á þriðjudaginn og er ég handviss um að hún eigi eftir að standa sig með sóma.

Annars verð ég að fara að byrja að læra undir próf sem ég er búin að skrá mig í, veit ekki hvenær það er en líklega í byrjun júní, svo komum við heim fljótlega eftir það, get ekki beðið:)

Gat ekki valið svo ég setti bara fullt af myndum af dúllunni....
Algjör rúsína
flott í bleiku
Hákon með Emilíu... he he hún er svo mikill krakki á þessari mynd
Þessi var tekin á Íslandi í páskafríinu
Á leið í bað
Eitthvað voða hissa
Á leiðinni út í sólina

2007-04-20T12:49:00.000+02:00

Ég fór með Emilíu Ólöfu í vigtun í gær, hjúkrunarkonurnar hafa opið hús fyrir foreldra sem geta komið og láta kíkja á ungana sína og beðið um ráð og svoleiðis. Emilía er búin að vera svolítill kjáni á brjósti, strax þegar flæðið minnkar í brjóstunum þá pirrast hún því hún þarf að hafa fyrir því að sjúga, hjúkrunarkonan sagði mér að drekka þrjá lítra af vökva á dag, sem ég er að reyna að gera.
En daman er búin að þyngjast um 610 gr frá 28. mars sem er mjög gott og við erum ánægð, þyngdaraukningin og allar hormónabólurnar sem hún er að fá núna ættu því að benda til þess að hún er að fá nóg.
En það er allt að gerast hjá Emilíu, þegar hún er sett á leikteppið nær hún að snúa sér næstum heilan hring með því að velta sér á hliðina aftur og aftur og þannig mjaka sér áfram. Var ekkert smá stolt móðir þegar ég tók eftir þessu. Svo er hún voða dugleg að spjalla við mömmu sína og pabba um hitt og þetta.

Hér eru feðginin að sturta sig saman, Emilía er algjör hetjaí sturtu og grætur ekki neitt.

Emilía Ólöf sæta

2007-04-16T10:49:00.000+02:00

þá erum við komin til baka til Danmerkur eftir alveg yndislegt páskafrí, við lengdum ferðina um þrjá daga og náðum við því að hitta fleira fólk. Við vorum mest allan tímann á Eyrarbakka og Selfossi en eina helgi í bænum. Litla Emilía Ólöf fílaði sig bara vel hjá ömmum sínum og öfum, langöfum og langömmum og hlakkar voða mikið að koma aftur til Íslands.

Emilía Ólöf var í skírnarkjól sem er yfir 100 ára gamall. Langamma mín fékk hann og skírði sín börn í honum og amma mín skírði pabba og bræður hans í honum, frekar svalt.
Emilía Ólöf fékk uglydog eða ljótahund frá Andý, strax orðinn uppáhalds

Nafni og nafna ofsalega stolt með nafnbótina

Mín var sett í hvítan tjullkjól fyrir skírnina og svo í veislunni, maður þarf að eiga marga kjóla við svona hátíðleg tækifæri. Hér er Emilía með ömmu sinni.

Ein páskaleg af okkur mæðgunum að lokum

2007-04-09T20:37:00.000+02:00

Emilía Ólöf Guðjónsdóttir

Í dag klukkan 15 var litla snúllumúsin okkar skírð Emilía Ólöf. Skírnarathöfnin fór fram í Eyrarbakkakirkju í góðu veðri. Séra Úlfar Guðmundsson prófastur skírði. Skírnarvottarnir voru Ólöf (systir Kristínar) og Magnús (bróðir minn).

Eftir athöfnina var svo skírnargestum boðið til kaffisamsætis í Rauða húsinu.

Skírnarvatnið er svo sannarlega heilagt þar sem það var sérstaklega innflutt frá Tyrklandi þar sem borgin Ephesus stóð áður og verið er að grafa upp nú. Talið er að María mey hafi eytt síðustu æviárum sínum á þeim slóðum. Vatnið var sótt í heilaga lind sem er við húsið sem hún er talin hafa búið í.

Setjum nokkrar myndir af Emilíu Ólöfu frá skírnardeginum síðar (Eitthvað vesen núna á Bloggernum)...

2007-03-24T22:02:00.000+01:00

Jæja nú fer að styttast í það að við förum til Íslands, hlakka voða mikið til, þá sérstaklega að hitta mína yndislega fjölskyldu en Ágústa systir og Andý munu koma frá Manchester og verða yfir páskana... fjölskyldan mun þá loksins sameinast en við höfum ekki verið öll saman síðan í vorið 2005, eitt og hálft ár síðan.... svona er það þegar allir búa í sitt hvoru landinu.
Lífið gengur nú bara sinn vanagang hér hjá litlu fjölskyldunni á solbakken, sú litla er náttúrulega í aðalhlutverki og lætur mömmu sína og pabba snúast í kringum sig. Hún er voða dugleg að sofa í vagninum út á svölum sem er alveg að bjarga geðheilsu okkar því þegar hún fer í vagninn getum við sofið sem er alveg yndislegt, þ.e ég get sofið og Guðjón fylgist með henni og lærir í leiðinni.
Hún fór í 5 vikna skoðun um daginn og gekk bara vel, hún var þá orðin 57 cm og 4400 gr sem er fínt, læknirinn skrifaði "fin pige" í bókina, ekki slæmt.
Vorið er komið í loftið hér í Danmörku sem er alveg yndislegt sérstakega þegar þar sem við erum mikið úti að labba með vagninn, miðað við veðralýsingarnar frá Íslandi verður örugglega minna um rölt, verð ég ekki bara að redda mér snjóþotu undir hana;)

Nokkrar myndir....

Hér er ein af frænkunum saman, sætar

Mæðgurnar að pósa
gellan fékk píanó frá stellunum, ekkert smá flott gjöf, takk stelpur þessi gjöf hitti beint í mark. Eins og sést hér þá er þjálfunin hafin.

Kjútípæ

2007-03-21T11:43:00.000+01:00

Heimsóknahrina...

Öll bið tekur enda, og á ég þá við tímann sem líður stundum á milli blogga hér. Það er nú óhætt að segja að hér hafi verið kátt á hjalla undanfarna daga. Fólk var duglegt að sækja okkur litlu fjölskylduna heim í mánuðinum. Í byrjun mars komu mamma og pabbi og brósi að kíkja á litlu í fyrsta sinn. Þeim þótti það nú ekki leiðinlegt. Síðan kíktu Þórir, Sigrún og Ketill við þann 10. mars og elduðum við þvílíkt ljúffengan Tai kjúklingarétt, þar sem grjónin voru steikt á undan suðu hehe.

Þá helgi kíktu einmitt Guðjón, Magga og Freyja Kristín til okkar frá Íslandi. Þau komu einnig við í Svíþjóð en voru svo hjá okkur restina af ferðinni þeirra. Fórum m.a. í dýragarðinn sem henni Freyju þótti nú ekki skemma fyrir. Verst að við gátum ekki skoðað allan garðinn því hann er svo hrikalega stór. Þeir skipta þessu upp í heimsálfurnar og ég held að við höfum átt alla Asíu eftir og er nú ekki um litla heimsálfu að ræða. En það verður bara að redda því seinna, eigum það bara eftir til góða.

Hákon og Anna komu hér þann 14. færandi hendi. Hákon leifði okkur að njóta gulrótarköku sem hann hafði bakað. Það sérstaka við hana var að enginn sykur var notaður né hveiti.

Ólöf moster kom svo á laugardaginn var til að skoða litlu frænku sína og kom þeim nú bara ágætlega vel saman að mér fannst ;0) Einnig komu þau Þórhildur og Tobias alla leið frá Berlín, en þau tóku sér smá frí og nýttu tækifærið til að kíkja á snúlluna.

Jæja, en þá er næsti dagskrárliður sem felst í því að við heimsækjum. Nú er undirbúningur að komast á ágætt skrið með skírn litlu og stendur einmitt til að skíra í Eyrarbakkakirkju á annan í páskum. Ég er að reyna að koma öllu ritgerðarveseni frá áður en við höldum heim, því það er fátt leiðinlegra en að vera að vinna í fríi. Vil komast hjá því.

En þá er bara að setja inn nokkrar myndir frá marsmánuði. Njótið vel.

2007-03-10T14:10:00.000+01:00

Litla daman fór upp á spítala í gær í smá sónar á mjöðmunum, þeir héldu í fyrstu að hún væri eitthvað laus í mjaðmaliðunum þegar hún fæddist og því þurfti að tjekka á því. En það er barasta allt í lagi með hana og stóð hún sig voða vel þegar hnoðast var með hana.
Það er allt gott að frétta af litlu, mallinn er alltaf eitthvað að pirra hana en mér finnst eins og hún sé að verða betri. Hún vill voða mikið láta rugga sér í svefn og finnst því voða gott að vera í vagninum þannig að ég er voða mikið að spóka mig með vagninn niðrí bæ, hef góðan tíma til að kíkja í búðir og útrétta ýmislegt.

Sú litla verður skírð á Íslandi annan í páskum í Eyrarbakkakirkju. Við erum voða spennt að koma heim en við verðum þar frá 3. apríl til 12. apríl.

Þó svo að það sé gaman af fr. dúddu vakandi þá er líka voða gott þegar hún sefur.

2007-03-03T21:44:00.000+01:00

Það er orðið allt of langt síðan ég hef bloggað, dagarnir líða bara áfram og það ekkert smá hratt, sú litla bráðum að verða mánaðar gömul, alveg ótrúlegt.
Hjúkrunarkonan kom á fimmtudaginn, til að líta á litlu, ég var fegin að sjá hana þar sem ég var búin að vera með áhyggjur af því hvað litla drykki lítið, hélt að hún væri því ekki að fá nóg, en annað kom á daginn, litla músin okkar hafði þyngst um hálf kíló frá seinustu heimsókn sem er mjög gott og meira að segja aðeins yfir meðallagi, hún er þá bara voðalega fljót að drekka, gleypir bara í sig sem því miður skilar sér í magakveisu þar sem hún er líka dugleg að gleypa loft. Hún er því búin að vera með magapílur og stundum frekar óróleg.
Hjúkkan mældi með því að við fengjum okkur auka vagn á svalirnar til að láta hana sofa í þar sem það er ekki hægt að koma með vagninn okkar upp, við fengum því ömmu og afa á Selfossi sem eru í heimsókn, til að koma með gamlan vagn sem ég vona að hún eigi eftir að sofa vel í, hún sefur allaveganna vel í sínum vagni.

þau geta svo sannarlega bæði brætt hjörtu hörðustu manna

Hér eru svo fleiri myndir:
Gott að vera hjá mömmuAnna og Hákon komu í heimsókn

lallalæ

2007-02-28T13:33:00.000+01:00

3 vikna snúllumús...

Þá er dóttir okkar orðin 3 vikna gömul en það er samt eins og hún hafi fæðst í gær. Dagarnir hafa liðið frekar hratt. Ég hef verið natinn við að vera heima að skrifa ritgerð á meðan sú stutta hefur sofið. Þess á milli hefur hún farið í vagninn sinn í smá labbitúra með pabba um nágrennið. Henni finnst afar gott að vera í vagninum og það er alveg kjörið, því mamma hennar þarf að fá svefn á milli brjóstagjafa. Við feðginin höfum því haft þann háttinn á að færa mömmu Kristínu bakkelsi þegar komið er heim á ný eftir labbitúrinn góða.

Jæja, fleiri myndir...

Ulla á pabba fyrst hann er alltaf að því við mig

Horfum til himins...

Henni finnst gaman að kúra hjá böngsunum sínum

Við foreldrarnir glöddum lítið hjarta með Bangsímonóróa sem spilar lag

Voða lítil í stóru 66°N peysunni frá ömmu og afa Úlfs

2007-02-25T19:35:00.000+01:00

Hér eru nokkrar myndir af dúllunni.

Hér er litla í baði, kvartaði ekki neitt, bara jakússí stemning
Þurrki þurrk
Stolt amma og afi að sjá litlu í fyrsta skiptið
Svo sæt að sólin er feimin....

2007-02-19T16:37:00.000+01:00

Þið verðið að afsaka bloggleysið hjá okkur en allur tíminn hefur farið í að kynnast litla englinum okkar.
Margt hefur gerst á síðustu tveimur vikunum, hjúkrunarkonan kom um daginn og féll alveg fyrir henni, sú litla var búin að þyngjast um 240 gr sem er mjög fínt. Allt var í lagi og skrifaði hún hjá sér að hún væri dejlig velskabet pige, ekki slæmt.
Mamma og pabbi komu í heimsókn um helgina og gátu varla tekið augun af henni, tóku endalaust mikið af myndum og nutu þess í botn að vera orðin amma og afi. Svo koma móðursystur litlu í mars og foreldrar Guðjóns þannig að litla á eftir að kynnast mörgum á næstunni.
Hér eru nokkar myndir frá síðustu viku.

2007-02-12T20:20:00.000+01:00

Fjölskyldan komin heim...

Þá erum við öll þrjú komin heim á Sólbakka. Komum heim á föstudaginn og má glöggt sjá að við erum heldur löt við skriftir þessa dagana. Kristín þarf meiri hvíld þessa dagana þar sem mjólkin er komin í brjóstin og þá er bloggið að sjálfsögðu í mínum höndum en þá er minni tíðni á bloggfærslum hehe.

Við höfum fengið mikið af kveðjum og sendingum og viljum við þakka öllum kærlega fyrir hlýhuginn. Einnig viljum við þakka öllum þeim sem komu í heimsókn til okkar að kíkja á litlu snúlluna.

Nú er það hins vegar næsta skref í ferlinu hennar litlu. Það þarf að skrá hana í kirkjusókn. Ég fór því inn á vefsíðu sem inniheldur lista yfir allar sóknir í Kaupmannahöfn og í ljós kom að okkar sókn heitir: Vestre Fængsel Kirke sogn. Eins og nafnið gefur til kynna er þetta fangelsiskirkja, en það er einmitt fangelsi hér við hliðina. Maður spyr sig því hvort þurfi að taka fingraförin hjá litlu svo hún komist inn í sóknina ;o)

Þá er komið að nýrri myndaseríu af þeirri litlu.

Fyrsta myndin af fjölskyldunni á spítalanumLitla skvísan sefur mikiðHenni finnst gott að láta knúsa sig stundum
Komin í gallann og tilbúin að fara út í fyrsta skipti
Nýbakaðar mæður. Heimasæturnar ásamt Rut og Úlfi litla

2007-02-08T19:27:00.000+01:00

Stúlkan okkar er fædd!!!

Eftirvæntingin hefur verið mikil hjá okkur Kristínu undanfarna daga og reyndar vikur og mánuði og hef ég grun um að margir aðrir séu á sama máli. Það er ekki skrítið því óléttan varð 15 dögum lengri en áætlað var. Biðin tók enda síðastliðið þriðjudagskvöld (6. febrúar 2007) þegar litla daman okkar kom í heiminn kl. 19.44 að dönskum tíma á spítalanum í Hvidovre. Hún vó við fæðingu 3.562 grömm (14 merkur) og mældist 52 cm að lengd. Hún virðist hafa eitthvað (a.m.k. sýnilegt) frá mér þar sem hún er með fallegt rautt hár. Kristín segir reyndar að varirnar komi líka frá mér. :o)

Fjölskyldan hefur það annars ágætt og hefur safnað kröftum undir handleiðslu fagfólks sem hefur verið alveg stórkostlegt og erum við mjög þakklát fyrir alla hjálpina frá því. Fleiri fréttir af litla kraftaverkinu koma von bráðar en svona í lokin þá finnst mér nú ekki annað hægt en að birta nokkrar ljósmyndir af fyrirsætunni rétt áður en ég fer aftur upp á spítala.

2007-02-01T23:02:00.000+01:00

10 dagar

Við fórum upp á Hvidovre spítala í morgun, frekar erfitt að vakna fyrir hádegi, erum svo algjörlega búin að snúa sólarhringnum við.
Ég var sett í hjartsláttarrit til að fylgjast með hjartslætti barnsins og samdráttum, svo athugaði hún útvíkkun sem eru orðin 1 og hálfur cm...góðir hlutir gerast greinilega hægt.
Svo fékk ég nálastungur til að reyna að koma einhverju af stað.... hefur allaveganna ekki virkað ennþá....eigum að koma aftur á laugardaginn ef ekkert hefur gerst.
Svo verð ég sett af stað á mánudaginn ef ekkert hefur gerst þá...sú litla ætlar svo sannarlega að láta hafa fyrir sér.
Heyrumst
Kristín

2007-01-31T14:26:00.000+01:00

Ekkert bólar á litlu, hélt kannski að allur æsingurinn vegna leiksins í gær myndi koma öllu af stað en það þarf greinilega eitthvað meira til í mínu tilviki.
Á morgun förum við upp á spítala þar sem ljósmóður kíkir á mig, okkur var boðið að taka þátt í rannsókn (igangsættelsesprojekt) þar sem verið er að kanna hvort nálastungur og leghálsnudd (massage af livmoderhals) geti komið fæðingunni af stað. Við slógum til enda þokkalega til í allt þessa stundina....vona bara að það hafi einhver áhrif.

Fékk að vita um daginn að ef við eignumst litlu fyrir mánaðarmótin s.s. í dag þá fáum við fæðingarstyrkinn núna um mánðarmótin en ef hún fæðist á morgun eða seinna þá fáum við ekki borgað fyrr en í byrjun mars......"þú verður bara að reyna að fæða fyrir mánaðarmótin..." sagði konan hjá TR. Já já það er einmitt á to do listanum hjá mér...pirr.

Heyrumst
Kristín

2007-01-29T16:19:00.000+01:00

bíði bíði..........

2007-01-26T20:18:00.000+01:00

40+4
Settur tími bara kominn og farinn. Frekar undarleg tilfinning að vera búin að bíða eftir að þessi dagsetning renni upp svona lengi og svo líður tíminn bara og ekkert gerist.
Maður getur víst lítið gert í því en að bíða. Þessi bið er reyndar ágætis afslöppun fyrir mig, þó hún megi nú alveg fara að enda.
Við fórum til ljósmóður í gær, hún tjékkaði á skvísunni og er hún nú búin að skorða sig, allt röltið í vikunni hefur gert gott. Hún er orðin 14 merkur og um 50 cm og með góðan hjartslátt.
Við fengum tíma upp á spítala 1. febrúar ef ekkert hefur gerst og þá verður potað í belginn svona til að athuga hvað gellan er að pæla... ohh ég vona að hún vilji nú láta sjá sig fyrir þann tíma.
Þangað til reynum við bara að hafa það rólegt og undirbúa okkur andlega og líkamlega fyrir átökin.
Þangað til næst....
Kristín

2007-01-22T17:11:00.000+01:00

Þá er dagurinn runninn upp sem við höfum beðið eftir, frekar skrýtið eftir allan þennan tíma.
En það er allt ennþá með kyrrum kjörum í malla, píunni líður örugglega bara voða vel þarna inni.

Fyrsti snjórinn í vetur féll í nótt, og það var allt hvítt og voða jólalegt þegar ég leit út um gluggann í morgun, greinilega sérstakur dagur:)

Við fórum í dag og keyptum vagn handa litlu, ætluðum kannski að bíða með það eftir fæðinguna en drifum bara í því og erum voða fegin að vera búin að því.
Þannig að þá er flest allt tilbúin hjá okkur...held það.

Þá er bara að bíða

heyrumst
Kristín

2007-01-19T08:41:00.000+01:00

Jeii!!! Loksins búin í prófum, kláraði síðasta prófið í gær sem var munnlegt próf, vá hvað það gekk ekki vel en ég náði því að á einhvern undraverðan hátt. Það er frekar krefjandi að þurfa að tala dönsku í klukkutíma og það eitthvað að viti:S

Nú er bara að nota næstu daga í afslöppun og að undirbúa það sem á eftir að gera áður en stelpan kemur.
Mig dreymdi reyndar í fyrrinótt að ég ætti strák, það væri nú frekar fyndið ef það kæmi svo bara lítill kall....gæti alveg skeð, þá yrði ég bara að hafa hann metró í bleiku eins og pabbi sinn:)
Annars er heilsan bara ágæt, leið betur eftir að ég gat hvílt mig eftir törnina fyrir prófið 12. jan, stress og þreyta hefur greinilega mikið að segja hvað varðar bjúg, því hann minnkaði alveg helling eftir að ég gat slappað af, sem er alveg yndisleg. Grindargliðnunin er orðin meiri núna en það er eflaust bara eðlilegt á þessum tímapunkti. Það sem hrjáir mig helst núna eru kvef leiðindi sem er víst algengur kvilli á meðgöngu, vona að ég losni við þennan fjanda fyrir fæðingu.

Ljósmyndarinn var upptekinn við próflestur svo ég tók bara nokkar bumbumyndir sjálf. Veit ekki hvort það verða fleiri bumbumyndir, kannski ef ég fer langt fram yfir sem ég vona reyndar ekki.

það er nú bara eins og ég eigi vona á tvíburum á þessari mynd

2007-01-13T17:40:00.000+01:00

Tók annað prófið mitt í gær, það var svolítið slungið en ég er voða fegin að vera búin með það.
Þá er bara eitt próf eftir. Ég ákvað að taka mér frí frá lestri um helgina og slappa af og kannski taka niður jólatréð sem við höfum ekki ennþá gert, það er orðið frekar lafandi greyið.

Fórum til ljósmóðurinnar í gær og Guðjón kom með mér, hún taldi litlu vera orðna rétt yfir 3 kg sem eru 12 merkur, hún er ekki búin að skorða sig en hausinn liggur niðri sem er gott. Allt var í fínasta standi.
Ég á pantaðan tíma 25. janúar ef ég verð ekki búin að fæða þá, það verður spennandi að vita hvort ég muni mæta veit ekki hvort ég nenni að bíða mikið lengur.

Ætlaði að þvo barnaföt í gær en náði ekki langt þar sem mér tókst að hrynja í stiganum á leiðinni í þvottahúsið , rak hnakkann í tröppurnar, það var ekki gott, mallinn lenti ekki í neinu hnjaski en ég varð frekar sjokkeruð, náði s.s aldrei að þvo þvottinn en lærði af þessu að halda í handriðið , það er víst öruggara.

heyrumst
Kristín

2007-01-08T21:11:00.000+01:00

Kláraði fyrsta prófið 4.janúar og gekk bara ágætlega, nýtti mér reyndar ekki aukaklukkutímann en mun án efa gera það í næsta prófi sem er 12. jan. Það verður frekar strembið próf sem ég er á fullu að læra undir þessa dagana. Svo er það bara eitt stykki munnlegt próf þann 18. og þá má skvísan láta sjá sig. Vá hvað ég get ekki beðið eftir að þessi próftörn klárast, próflesturinn tekur svolítið á þegar maður er svona uppblásinn:S

Þvoði tvær vélar af barnafötum í gær, Guðjón skilur ekkert í þessari paranoju hjá mér, "hva þarf eitthvað að vera að þvo ný föt" og " má þetta nú ekki bíða fyrr en við erum búin í prófum?"
Ok ég er nú ekki eins og sumar kellingarnar á barnalandi sem eru búnar að öllu mörgum mánuðum fyrr en fyrr má nú aldeilis vera. Ég samþykkti svo að lokum að Guðjón fengi að setja saman barnarúmið þegar hann er búinn í prófum 17. jan, má nú ekki vera seinna en það.

Var að byrja á 39. viku og bara tvær vikur til stefnu, ætla að reyna að setja inn mynd í næstu viku en gæti verið að það dragist eitthvað vegna prófanna, sjáum til.

Heyrumst
Kveðja Kristín

2007-01-02T17:44:00.000+01:00

Jess fæ klukkutima lengri proftima!! frekar kul...kemur ser vel vegna aukinna klosettferda og svo tharf eg ekki ad stressa mig eins mikid, afskaplega snidugt:)
Best ad halda afram ad læra:(

2006-12-30T22:22:00.000+01:00

Fyrstu jólin okkar ein saman voru alveg yndisleg hérna á Sólbakken, maturinn heppnaðist vel og var barast næstum því eins og hjá mömmu og pabba, (þökk sé skype þá áttu þau sinn þátt í eldamennskunni). Íslensk jólamessa hljómaði undir borðhaldinu þannig að þetta var voðalega íslenskt allt saman. Pakkarnir og jólakortin voru svo opnuð í rólegheitum og svo var bara slappað af yfir jólamynd í sjónvarpinu:)
Vil þakka öllum sem sendu okkur jólakort, þau hlýjuðu okkur um hjartarætur:)

Hér er mynd af litla sæta jólatrénu okkar

Takið eftir heimagerðu jólastjörnunni, neyðin kennir naktri konu að spinna segir ég nú bara.

Hér erum við skötuhjúin að fara að gæða okkur á hamborgarahryggnum.

Það er nú ekkert djók að vera óléttur og jólasaddur í þokkabót, maður verður heldur þungur á sér.

Við fórum svo á jóladag í Íslendingamessu og í mat til Ingva, Röggu og Sindra, svo á annan í jólum fórum við í Íslendingajólahlaðborð hér á kollegíinu þar sem við náðum að kynnast alveg fullt af Íslendingu sem búa hérna ásamt því að borða dýrindis hangikjöt. Þannig að þetta voru prýðis jól hjá okkur hérna í Danaveldi.

Annars fara dagarnir núna helst í lestur fyrir próf sem taka við fljótlega eftir áramót. Gengur bara ágætlega. Ætlum að vera hjá Röggu og Ingva yfir áramótin, sem verður eflaust notalegt og rólegt, allaveganna hjá mér.

En það sem er að frétta af óléttunni er að ég er komin á 37.viku sem er alveg ótrúlegt, finnst þetta líða svo hratt, get ekki beðið eftir að vera búin með þessi próf þannig að ég geti farið að undirbúa komu litlu skvísunnar. Bjúgurinn og þreyta eru helstu meðgöngukvillanir þessa dagana en kannski ekkert óeðlilegt á þessum tímapunkti. Svo reyni ég að komast hjá bakverkjum með því að labba ekki eins og kóngamörgæs sem er lúmskt erfitt.

Hér er ég svo á 37.viku

Það segja allir að ég sé með svo netta kúlu, kannski virðist það þannig af því að brjóstin á mér eru næstum eins stór og kúlan he he

Við óskum öllum farsæls nýs árs!!

Kveðja Kristín og Guðjón

2006-12-23T12:22:00.000+01:00

Jæja nú fer að líða að jólum og jólamaturinn kominn í hús, nú er bara að krossa fingur og vona að við brennum ekki jólasteikina....hefði kannski átt að hafa svona æfingajól til að vera örugg um allt gangi upp....en nei þetta verður bara að reddast, útkoman verður bara spennandi.

Hafði það sem allra best um jólin elskurnar mínar
Jólakveðja
Kristín, Guðjón og dúdda

2006-12-20T15:56:00.000+01:00

Jei, nu geta loksins allir kommentad!!

2006-12-19T12:33:00.000+01:00

Hjólaði upp í Jónshús í gær og keypti malt og appelsín af kvennakórskonum, ég var farin að örvænta að við yrðum að drekka danskt nisseøl þegar ég fékk póst um að þær væru að selja, snilld.

2006-12-18T16:11:00.000+01:00

Nýja rúmið okkar

Hér eru nokkrar myndir af íbúðinni. Við erum svona nokkurn veginn búin að koma okkur fyrir, vantar bara að hengja upp myndir og snaga og þess háttar. Þvílíkur munur að vera komin með stærra eldhús, ég er líka að njóta þess, búin að baka tvær sortir fyrir jólin og allt.

Við erum núna á fullu í próflestri en Guðjóns samt meira en ég, hann er í prófi í dag og svo 21. en ég eftir áramót. Við ætlum að slappa af eftir 21. og undirbúa fyrir jólin og njóta þess að vera í fríi.

Fór til læknis um daginn, það var bara þetta vanalega, kíkt á blóðþrýsting, þvag og þreifað á bumbunni, allt virtist vera í lagi og dafnar hún vel. Er farin að finna fyrir því að plássið er eitthvað að verða að skornum skammti þarna inni, miðað við þær kraftmiklu hreyfingar sem ég finn upp í rifbein, kemst ekkert upp með það að vera hokin.

Jæja læt heyra betur í mér seinna

kiss og knús Kristín

2006-12-16T10:46:00.000+01:00

Hér er loksins mynd af mér á 35. viku. Ekki hægt að segja annað en að kroppurinn dafni vel:)

2006-12-05T20:33:00.000+01:00

Ógó pirrandi að gleyma sundgleraugunum þegar maður er kominn í sundlaugina,
ég var komin í sundbolinn þegar ég fattaði það en ákvað nú samt að skella mér í laugina.
Mér fannst frekar hallærislegt að synda bringusund með hausinn upp úr allan tímann, dálítið eins og gömul kona, en ég var varla byrjuð að synda þegar ég sá ungan hraustan mann synda svoleiðis, það var miklu kellingalegra, með leið allaveganna betur.

2006-12-04T20:50:00.000+01:00

Mér leið eins og ég væri hvalur þegar ég hljóp að eftir strætó um daginn, hefði frekar átt að láta það vera, maður finnur allt í einu eitthvað svo mikið fyrir óléttunni þegar maður fer að hlaupa og ég tala nú ekki um að beygja sig, úff!! En þetta er víst hluti af þessum öllu saman.

Erum byrjuð að mála íbúðina á Solbakken, Guðjón er núna á fullu, algjör hetja, ég reyni að vera sem minnst í málningarstækjunni, tek engar áhættur með hana dúddu.
En ég setti samt límband á brúnirnar og plast á gólfið, þá var frekar mikið dæst og stunið.

Núna get ég sagt að ég eigi að eiga í næsta mánuði, hehe þetta líður ekkert smá hratt.

Heyrumst Kristín

2006-11-30T19:49:00.000+01:00

Þá er ég komin aftur til Danmerkur eftir ánægjulega og fræðandi Íslandsför, nú taka bara við flutningar og fullt af lærdómi sem hefur hlaðist upp, s.s nóg að gera næstu vikur.
Við fáum íbúðina á föstudaginn og flytjum á sunnudaginn, get ekki beðið!! Ég get ekki sagt að ég eigi eftir að sakna verkamannanna sem hafa verið fyrir utan gluggann minn í meira en ár og hafa vakið mig með vélarhljóðum allt of snemma flesta morgna en ég á eftir að sakna sæta hverfisins með öllum litlu búðunum og kaffihúsunum þar sem er stutt í allt.

En nú er ég byrjuð á 33. viku og finnst mér tíminn líða bara frekar hratt, tæplega tveir mánuðir eftir. Bumban stækkar og stækkar og eru hreyfingarnar alltaf að verða kraftmeiri, ég get fundið móta fyrir litlum löppum sparka í hægri hliðina á mér og ég hef nýlega fundið hiksta inn í mallanum, frekar fyndið.
Helstu meðgöngukvillarnir þessa dagana er bjúgur og smá bakverkir en annars líður mér barasta mjög vel, gæti alveg verið verra.

Ég fór til ljósunnar í dag og gekk bara vel, hún þreifaði á mallanum og fann að dúddi er orðinn næstum 2 kg. Hún hlustaði á hjartsláttinn og var hann fínn.
Svo fór ég á smá námskeið/spjall um fæðinguna og var þar spjallað um allskonar deifingar og fleira. Einnig var spjallað um hversu mikilvægt það er að koma inn á fæðingadeildina með jákvætt hugarfar og hugsa fæðinguna sem ferli sem konan og maðurinn upplifa en ekki eitthvað sem þarf að drífa af á sem minnstum tíma með sem mestum verkjalyfjum. Góð pæling en samt erfitt að ímynda sér sitt hugarástand þegar kemur að sjálfri fæðingunni.

En nú er komið að stund sannleikans, við ætluðum að halda kyninu leyndu en svo þegar við fórum til Íslands þá langaði mig svo mikið að segja foreldrum mínum þannig við létum bara verða að því......þannig að dúddi er lítil STELPA!!!
Magga frænka á stelpu og hún búin að lána okkur barnaföt, svo uppljóstrunin er strax orðin praktísk.

Ég hef því miður ekki haft tíma til að setja inn mynd vegna anna en það verður von bráðar

Kveðja Kristín

2006-11-17T14:35:00.000+01:00

Jæja þá erum við lent á Íslandi, flugið gekk og vel og Dúddi stóð sig eins og hetja, ekkert kvartað. Ég var vel búin flugsokkum þannig að mér leið vel í fluginu, algjör snilld þessir sokkar.
Get ekki neitað því að við fengum smá sjokk þegar við komum til landsins, frekar mikil breyting að koma úr 10-12 stigum og logni í -7 gráður og strekking, eins gott að maður er vel búinn hlýjum fötum.
Það verður nú mest slappað af þessa helgina, ætla á Eyrarbakka að hitta mor og far. Keypti meira að segja hamborgarahrygg (á skid og ingenting) úti til að geta átt smá jólamat með fjölskyldunni þar sem við verðum ekki heima um jólin.
Svo fer vikan í það að hitta fólk með raddvandamál og nefmæli, er ýkt spennt.
Ég verð með íslenska númerið mitt ef það er einhver sem vill ná í mig:)
Sjáumst
Kristín

2006-11-12T14:59:00.000+01:00

Fór á fyrsta fæðingar- og foreldranámskeiðið um daginn, þemað var Ný fjölskylda, nýtt líf eða eitthvað svoleiðis. Við vorum þrjár mættar þarna með ljósmóðurinni, þetta var svona létt spjall um hvernig þetta yrði nú allt saman þegar nýji einstaklingurinn væri kominn í heiminn og hvernig við værum búin að sjá þetta fyrir okkur.
Hafði ekkert voðalega mikið til málanna að leggja, sérstaklega þar sem önnur ljósmóðirinn sem ég er með og hafði ekki hitt áður er sænsk og talar bara sænsku, ég kann ekkert sænsku en hinar virtust skilja hana mjög vel, halló! það er nóg að vera að strögglast við það að reyna að skilja þessa Dani. Það gæti s.s. orðið þannig að þessi sænska taki á móti Dúdda, það verður spennandi að sjá hvernig samskiptin verða:) Ætla nú samt ekkert að hafa áhyggjur af því núna.

Fórum í Fields í gær og á leiðinni heim stóð enginn upp fyrir mér í metróinu ég var ógó móðguð, héldu bara allir að ég væri búin að borða of mikið af flødeboller eða hvað?, þetta fólk ætti bara að skammast sín!! ;)

Heyrumst
Kristín

2006-11-05T18:07:00.000+01:00

Þokkalega kominn tími á fréttir frá dúdda og co.

Héðan er allt gott að frétta og meðgangan gengur bara voða vel, fyrir utan smá svefnleysi, maður verður víst að sætta sig við það.
Fór til ljósu um daginn og gekk bara vel, hún þreifaði á mallanum og hlustaði á hjartsláttinn, allt leit voða vel út:) Sagði að barnið væri um 1400 gr, skil ekki hvernig hún getur bara horft á magann og séð það, þessar ljósmæður eru svo klárar.

Skráði mig í óléttuleikfimi og fór í fyrsta tímann á mánudaginn, frekar skondið að sjá svona margar bumbur saman komnar. Þetta er svona létt kellingaleikfimi, ekkert hopp, svo í lokinn var góð afslöppun með teppi og kodda, æðislegt.
Ég keypti mér tíu tíma kort í sund, allt að gerast hvað varðar heilsuna.... hingað til allavega.

Heyrðu já aðal fréttin maður, við erum komin með íbúð á Solbakken kollegíinu, tvöfalt stærri og töluvert ódýrari. Ég tók mig bara til og fór á skrifstofuna, var búin að plana að vera rosa dramatísk og láta hana vorkenna okkur en svo þurfti ég þess ekkert, hún var með lausa íbúð frá 1. des, ekki svo mikið vandamál.
Þannig að við verðum komin í stærri íbúð fyrir jólin og áður en Dúddi mætir í janúar, ekkert smá fegin.

Svo er loksins komin dagsetning á Íslandsförina, kem heim kvöldið 16. nóv og fer til baka 27. nóv, alveg 10 heilir dagar á Íslandi, þarf þokkalega að nýta dagana vel og skipuleggja hitting svo ég nái að sjá alla, get ekki beðið.

Það er allt að gerast:)

Jæja svo er það mynd, hér er ég á 29. viku

Nei þú hér?!!

Guðjón vildi endilega láta taka mynd af sér eftir alla bjórdrykkjuna síðustu helgi, he he

Þangað til næst

Kveðja Kristín

2006-10-25T18:26:00.000+02:00

Nú er haustfríið búið og maður kominn í lærugírinn aftur, sem er barasta ágætt,
var að fá þær fréttir að við erum búnar að redda praktík hjá talmeinafræðingum á íslandi svo að ég, Anna og Rannveig komum að öllum líkindum til Íslands í endan nóvember, gott að fá þetta svona nokkurn veginn á hreint, vorum eiginlega farnar að örvænta um að þetta myndi ekki reddast.
Það verður ýkt gaman að kíkja aðeins heim þar sem ég verð ekki heima um jólin, fæ vonandi smá jólafíling á Íslandi ásamt því að hitta vini og vandamenn.

Nú er 28. vika hafin á meðgöngunni, finnst þetta ganga bara nokkuð hratt. Dúddi er alltaf á fullu og eru hreyfingarnar alltaf að verða krafmeiri, maður kippist stundum bara við. Ég get séð bungur koma út hér og þar á mallanum en ég get ekki ennþá greint hvað það er, en í gær kom þessi svaka bunga, algjört met, held að það hafi verið hausinn að stinga sér þarna, hefur eflaust verið að teygja úr sér.

Hef heyrt að konur á meðgöngu eigi það til að dreyma krassandi drauma og er ég engin undantekning. Stundum vakna ég við þá og get ekki fest svefn aftur. Draumarnir fjalla allir um það að ég sé búin að fæða barn en einhverja hluta vegna nái ekki að sinna því, gleymi því eða sé upptekin við annað, frekar óþægilegt. Í nótt dreymdi mig að ég ætti ogguponsu barn sem var bara nokkrir millimetrar úff, hvar endar þetta!

Heyrumst
Kristín

2006-10-19T14:31:00.000+02:00

Haustfríið er yndislegur tími, frí í viku frá skólanum og engum aukaverkefnum hlaðið á mann eins og í háskólanum heima, held að skólinn vilji í alvöru að maður slappi bara af, ótrúlegt en satt.
Það er einmitt það sem við erum búin að vera að gera, sofa til hádegis og sonna, beautiful.

Mamma hans Guðjóns gaf okkur geisladiska með klassískri tónlist fyrir börn og mæla þeir víst með að hlustunin hefjist strax á meðgöngu, við leyfðum því Dúdda að fá smá hljóðdæmi um daginn þegar ég setti heyrnartólin á mallann, frekar fyndið en á víst að vera svo sniðugt þar sem barnið er farið að nema hin ýmsu hljóð og á víst að geta munað eftir lögum þegar komið er úr mallanum. Tónlistaruppeldið byrjar því snemma hjá okkur svo er það bara Suzuki tveggja ára, þýðir ekkert annað;)

Annars gengur meðgangan bara mjög vel, ekki yfir neinu að kvarta, bara alltaf að stækka eða blómstra ef ég hef eftir henni Rut. Finnst ég nú búin að þyngjast heldur mikið en það er víst hluti af þessum pakka, víst óhjákvæmilegt.

Jæja þá er 27. vika hafin og tvær vikur síðan ég setti inn mynd síðast, svo værs'go.

Kveðja Kristín

2006-10-15T15:11:00.000+02:00

Það lítur út fyrir að næstu jól verði þau fyrst án fjölskyldunnar og í öðru landi, við ætlum s.s. að halda jólin hérna í Kaupmannahöfn...
það er eiginlega orðið of seint að vera að fljúga heim þar sem það verður minna en mánuður í settan fæðingadag, auk þess er ég í prófum í janúar og nenni því ekki neinu stressi, aukastressi þ.e.
Við erum bara búin að ákveða að vera jákvæð varðandi jólahaldið, það verður bara kósý og skemmtileg lífsreynsla en þó um leið leiðinlegt að hitta ekki fjölskylduna, Ágústa systir er að koma heim um jólin en hún hefur ekki verið heima síðustu tvenn jól...
en ég þarf ekki að bíða lengi þar sem þau koma að öllum líkindum í heimsókn þegar dúddi kemur í heiminn:).
Vona bara að við verðum komin í stærri íbúð svo að það verði pláss fyrir jólasteikina...(díses! get ég hætt að hugsa um mat í eina sekúndu!!)...en það er víst nægur tíma til að pæla í því.

Kristín

2006-10-10T19:36:00.000+02:00

Get ekki sagt annað en að næsti janúarmánuður verði krefjandi hjá mér, örugglega einn mest krefjandi mánuður sem ég mun hafa upplifað.
Ég er s.s. sett þann 22. janúar einmitt í prófatörninni, þessir Danir þurfa einhverra hluta vegna að hafa prófin í janúar sem er mér óskiljanlegt.
En ef allt gengur eftir þá ætti þetta að ganga upp, fer í próf, 4. og 12. janúar og svo í mitt fyrsta munnlega próf einhversstaðar á tímabilinu 18. til 26. janúar gaman gaman. Er nett að pæla í því að fá að vera fyrst í röðinni.
Hef heyrt að konur á steypirnum ættu helst að komast hjá stressi og álagi því það gæti e.t.v. komið einhverjum hreyfingum af stað, þetta á einmitt að vera tíminn sem konan á að vera í afslöppun og dunda sér við að brjóta saman samfellur og þess háttar, já já einmitt.
Hvað er meira afslappandi en að taka eitt stykki klukkutíma munnlegt próf á dönsku svona rétt fyrir fæðingu, ætti ekki að vera vandamál.
Þetta verður áhugavert.

2006-10-06T01:14:00.000+02:00

Hér er ég á 25. viku í nýju óléttufötunum sem ég keypti í dag, ætlaði bara að hlaupa inn og kaupa mér brjóstarhaldara og óléttusokkabuxur, endaði með að líka kaupa gallabuxur og bol, æii þið kannist við þetta.

Hér eru við, væntanlegir foreldrar að æfa okkur á litla pjakknum þeirra Einars og Margrétar sem á að nefna á morgun, spennandi:)

Svo mátti ég til með að bæta inn mynd af henni fallegu Rut sem á að eiga litla múlla í næsta mánuði. Alltaf jafn myndarleg í eldhúsinu.

2006-10-04T12:56:00.000+02:00

Jæja þá er þetta allt að komast í gang hjá okkur, settumst loksins niður og bjuggum til síðu fyrir litla ungann. Vorum eitthvað að pæla í barnalandi.is en það þarf að borga þar, púff nennum ekkert að standa í svoleiðis.
Það eru kannski einhverjir sem furða sig á nafngiftinni sem bumban fær en nafnið er til heiðurs litla þrastarunganum Dúdda sem tvær litlar systur tóku að sér og hjúkruðu, hann fór fljótt yfir móðuna miklu en nafn hans lifir áfram.
Svo kemur það bara í ljós hvort nafnið passi við kynið sem svo kemur í heiminn í janúar, en það er allt annað mál.

Ég veit ekki hvort við komum til með að blaðra mikið um meðgönguna per se en ætlum allaveganna að vera duglega að setja um myndir fyrir vini og vandamenn.

En það sem er að frétta af mér núna er að ég er að fara í skoðun á fimmtudaginn hjá heimilislækni, veit eiginlega ekki hvað hann ætlar að gera, kemur í ljós.
Vona bara ekki að ég þurfi að stíga á vigtina, þorði því loksins um daginn síðan ég var vigtuð í vor, og það er greinilegt að ég hef verið dugleg á hlaða þeim á mig, hef varla talist hófsamleg þegar kemur að mat og þá helst sætindum.

Hér er ein mynd af mér tekin fyrir nokkrum vikum man ekki alveg hvenær, er ekkert voðalega skipulögð í myndatökunum.
Svo set ég fleiri myndir bráðlega.

Kveðja Kristín

2006-10-03T23:42:00.000+02:00

2006-10-03T23:22:00.000+02:00

Hver er Dúddi?